CHAND SE UNKE CHEHRE PAR- (Qari Sayyed Abdul Wasi Qadri Razavi)

سنتے ہیں کہ محشر میں صرف اُن کی رسائی ہے

سنتے ہیں کہ محشر میں صرف اُن کی رسائی ہے 

گر اُن کی رسائی ہے لو جب تو بن آئی ہے

---------------------------------

غلام اُن کی عنایت سے چین میں ہوںگے

عدو حضور کا آفت سے مبتلا ہوگا

میں اُن کے در کا بھکاری ہوں فضلِ مولیٰ سے

حسن فقیر کا جن٘ت میں بسترا ہوگا

---------------------------------

مچلا ہے کہ رحمت نے امید بندھائی ہے 

کیا بات تِری مجرم کیا بات بنائی ہے

سب نے سرِ محشر میں للکار دیا ہم کو 

اے بے کسوں کے آقا اب تیری دہائی ہے

اب آپ سنبھالیں تو کام اپنے سنبھل جائیں 

ہم نے تو کمائی سب کھیلوں میں گوائی ہے 

بازارِ عمل میں تو سودا نہ بنا اپنا

سرکارِ کرم تجھ میں عیبی کی سمائی ہے

یوں تو سب انھیں کا ہے پَر دل کی اگر پوچھو

یہ ٹوٹے ہوئے دل ہی خاص اُن کی کمائی ہے 

مجرم کو نہ شرماؤ احباب کفن ڈھک دو

منھ دیکھ کے کیا ہوگا پردے میں بھلائی ہے

طیبہ نہ سہی افضل مکہ ہی بڑا زاہد 

ہم عشق کے بندے ہیں کیوں بات بڑھائی ہے

اے دل یہ سلگنا کیا جلنا ہے تو جل بھی اٹھ

دَم گھٹنے لگا ظالم کیا دھونی رمائی ہے

حرص و ہوسِ بد سے دل تو بھی ستم کرلے

تو ہی نہیں بے گانہ دنیا ہی پرائی ہے

مطلع میں یہ شک کیا تھا واللہ رضا واللہ

صرف اُن کی رسائی ہے صرف اُن کی رسائی ہے

صلی اللہ تعالیٰ علیہ و آلہ وسلم

تو شمع رسالت ہے عالم تیرا پروانہ

تو شمع رسالت ہے عالم تیرا پروانہ

تو ماہ نبوت ہے اے جلوہ جاناناں

جو ساقی کوثر کے چہرے سے نقاب اٹھے

ہر دل بنے میخانہ ہر آنکھ ہو پیمانہ

سرشار مجھے کر دے اک جام لبالب سے

تا حشر رہے ساقی آباد یہ مے خانہ

دل اپنا چمک اٹھے ایمان کی طلعت سے

کر آنکھیں بھی نورانی اے جلوہ جاناناں

اس در کی حضوری ہی عصیاں کی دوا ٹھری

ہے زہر معاصی کا طیبہ ہی شفاء خانہ

کیوں زلف معنبر سے کوچے نہ مہک اُٹھیں

ہے پنجۂ قدرت جب زلفوں کا تری شانہ

گر پڑ کے یہاں پہنچا مر مر کے اسے پایا

چھوٹے نہ الہی اب سنگ در جاناں

پیتے ہیں تیرے در کا کھاتے ہیں تیرے در کا

پانی ہے تیرے پانی کا کھانا ہے تیرا کھانا

ہر پھول میں بو تیری ہر شمع میں ضو تیری

بلبل ہے تیرا بلبل پروانہ ہے پروانہ

سرکار کے جلووں سے روشن ہے دل نوری

تا حشر رہے روشن نوری کا یہ کاشانہ

صلی اللہ علی محمد و صلی اللہ تعالیٰ علیہ و آلہ وسلم

یا رب! دلِ مسلم کو وہ زندہ تمنّا دے​ (دعا)

یا رب! دلِ مسلم کو وہ زندہ تمنّا دے​

جو قلب کو گرما دے، جو روح کو تڑپا دے​

​

پھر وادیِ فاراں کے ہر ذرّے کو چمکا دے​

پھر شوقِ تماشا دے، پھر ذوقِ تقاضا دے​

​

محرومِ تماشا کو پھر دیدہء بینا دے​

دیکھا ہے جو کچھ میں نے اوروں کو بھی دِکھلا دے​

یا رب! دلِ مسلم کو وہ زندہ تمنّا دے​

جو قلب کو گرما دے، جو روح کو تڑپا دے​

​

بھٹکے ہوئے آہو کو پھر سوئے حرم لے چل​

اس شہر کے خوگر کو پھر وسعتِ صحرا دے​

​

پیدا دلِ ویراں میں پھر شورشِ محشر کر​

اس محملِ خالی کو پھر شاہد لیلا دے​

یا رب! دلِ مسلم کو وہ زندہ تمنّا دے​

جو قلب کو گرما دے، جو روح کو تڑپا دے​

​

اس دور کی ظلمت میں ہر قلبِ پریشاں کو​

وہ داغِ محبت دے جو چاند کو شرما دے​

​

رفعت میں مقاصد کو ہمدوشِ ثریا کر​

خودداریِ ساحل دے، آزادیِ دریا دے​

​

بے لوث محبت ہو، بے باک صداقت ہو​

سینوں میں اُجالا کر، دل صورتِ مینا دے​

یا رب! دلِ مسلم کو وہ زندہ تمنّا دے​

جو قلب کو گرما دے، جو روح کو تڑپا دے​

​

احساس عنایت کر آثارِ مصیبت کا​

امروز کی شورش میں اندیشہء فردا دے​

​

میں بلبلِ نالاں ہوں اک اجڑے گلستاں کا​

تاثیر کا سائل ہوں، محتاج کو داتا دے!​

یا رب! دلِ مسلم کو وہ زندہ تمنّا دے​

جو قلب کو گرما دے، جو روح کو تڑپا دے​

https://goo.gl/vGbvuH