کرم جو آپ کا اے سیدِ ابرار ہو جائے
تو یہ بدکار بندہ دم میں نیکو کار ہوجائے
جو سر رکھ دے تمہارے قدموں پہ سردار ہو جائے
اور جو تم سے سر کوئی پھیرے ذلیل و خوار ہو جائے
تمہارے حکم کا بندھا ہوا سورج پھرے اُلٹا
اُٹھے انگلی تو ماہ دو بلکہ دو دو چار ہو جائے
ائشارا پائے تو دوبا ہوا سورج پھرے اُلٹا
جو تم چاہو کہ شب دن ہو ابھی سرکار ہو جائے
تمہارے حکم سے لاٹھی مثال شمع روشن ہو
جو تم چاہو تو لکڑی تیز تر تلوار ہو جائے
گناہ کیسے ہی اور کتنے ہی ہیں پر رحمتِ عالم
شفاعت آپ فرماں دیں تو بڑا پار ہو جائے
قوافی اور مضامیں اچھے اچھے ہیں ابھی باقی
مگر بس بھی کرو نوری نہ پڑھنا بار ہو جائے
کرم جو آپ کا اے سیدِ ابرار ہو جائے
صلی اللہ تعالیٰ علیہ و آلہ وسلم
