تصوف

يہ حکمت ملکوتي، يہ علم لاہوتي

حرم کے درد کا درماں نہيں تو کچھ بھي نہيں

يہ ذکر نيم شبي ، يہ مراقبے ، يہ سرور

تري خودي کے نگہباں نہيں تو کچھ بھي نہيں

يہ عقل، جو مہ و پرويں کا کھيلتي ہے شکار

شريک شورش پنہاں نہيں تو کچھ بھي نہيں

خرد نے کہہ بھي ديا 'لاالہ' تو کيا حاصل

دل و نگاہ مسلماں نہيں تو کچھ بھي نہيں

عجب نہيں کہ پريشاں ہے گفتگو ميري

فروغ صبح پريشاں نہيں تو کچھ بھي نہيں

آگ اس کي پھونک ديتي ہے برنا و پير کو

آگ اس کي پھونک ديتي ہے برنا و پير کو

لاکھوں ميں ايک بھي ہو اگر صاحب يقيں

ہوتا ہے کوہ و دشت ميں پيدا کبھي کبھي

وہ مرد جس کا فقر خزف کو کرے نگيں

تو اپني سرنوشت اب اپنے قلم سے لکھ

خالي رکھي ہے خامہ حق نے تري جبيں

يہ نيلگوں فضا جسے کہتے ہيں آسماں

ہمت ہو پرکشا تو حقيقت ميں کچھ نہيں

بالائے سر رہا تو ہے نام اس کا آسماں

زير پر آگيا تو يہي آسماں ، زميں